Willie Revillame, Namaalam na sa ABS-CBN

Namaalam na rin si Willie Revillame sa ABS-CBN ngayong araw na ito, ika -9 ng Agosto, 2010, matapos mapalitan ng bagong programa ang kanyang time slot ng "Pilipinas Win na Win." Inaasahan kasi ni Willie na ibabalik siya sa Wowowee nong ika-31 ng Hulyo,2010 subali't hindi nga ito ang nangyari. Bagkus, bibigyan na lamang siya ng isang oras na show sa loob ng isang linggo at pre-recorded pa ito. Sinabi ni Willie sa kanyang sulat sa mga bossing ng ABS-CBN na hindi yata ito makatarungan kung kaya't nagpasya siyang tapusin na ang kanyang kontrata. Napabalitang lilipat ang host ng Wowowee sa TV 5.

Narito ang buong ulat:

http://www.abs-cbnnews.com/entertainment/08/09/10/willie-leave-abs-cbn-despite-contract-obligations

WOWOWEE , Namaalam Na!

Natapos din ang ekspekulasyon. Namaalam na nang tuluyan ang noontime show ng ABS-CBN na WOWOWEE na pinangungunahan ni Willie Revillame. Matapos ang humigit limang taong pamamayagpag, bumaha ng luha ang huling araw ng Wowowee ngayong araw na ito - 30 July 2010. Naging madamdamin ang pamamaalam ng lahat lalo na ang mga hosts nito na kinabibilangan nina Valerie Concepcion, Mariel Rodriguez, Pokwang at ang guest host na si Luis Manzano. Luhaan din ang mga taong bumubuo ng show. Dahil sa init ng ulo ni Wille, nawalan ng trabaho ang maraming tao. Sana naman sa susunod na show ni Willie sa Dos ay mapag-isipan muna niya ang bawat salitang bibitawan sa publiko.

WowoWillie

Matapos ang pagsasabi ng magreresign siya sa ABS-CBN kung hindi tatanggalin si Jobert Sucaldito at pagpapadala ng sulat na may temang "Please release me," heto at parang si PGMA si Willie sa pagsasabing "I'm sorry!" sa mga bossing ng ABS-CBN.

Hindi pa malinaw kung ano ang desisyon ng pamunuan ng ABS-CBN pero nasa indefinite leave pa rin ang nagpapakatotoong si Willie Revillame at nasa roster pa rin siya ng kumpanya.

Abangan ang susunod na kabanata!

Balik Wowowee si Willie

Balik Wowowee si Willie Revillame nitong ika-21 ng Setyembre, 2009 matapos pagbakasyon ng ABS-CBN hinggil sa kaniyang komento nang araw na mamayapa si Gng. Corazon Aquino. Naniniwala akong "out of context" ang comment ni Willie nang araw na iyon. Wala siyang ibig ipagkahulugan. Mali rin kasi ang pagpapalabas ng libing ng dating pangulo sa show ni Willie habang ang mga ito ay nagsasaya.

Sa susunod siguro ay mag-iisip muna nang maigi si Willie bago magbitaw ng pananalita dahil baka ma-misinterpret na naman siya.

WAWA si WILLIE ng WOWOWEE

(This photo was downloaded from www.abs-cbnnews.com)

Willie Revillame of the noontime show WOWOWEE is again in the limelight. This time about the Ferrari that he has been seeing driving. According to the Customs, the correct customs duty is not paid on this car. Willie behemently denied that he owns the car. He said he is just test driving it.

Ang liit naman ng mga utak ng nasa Customs at ng Anti-Smuggling Bureau, dali namang kontakin ang LTO para malaman kung sino talaga ang may-ari ng Ferrari na yan. Kung kanino nakarehistro eh di iyon ang singilin. Pero, tiyak na maraming damay sa Customs. Eh paano kung ang nagpalusot ay isang mataas na opisyal? Ang sabi nga ng mga kotong-pulis, ang lagay eh...!

Pinagdududahan din kasi kung saan kinuha ni Willie ang pinangbili ng Ferrari kung sa kanya nga iyon. Dito sinasabi ng mga tao na baka yong mga donasyon na natatanggap ni Willie sa mga shows nila sa abroad at mga bigay ng mga TFC subscribers sa studio ang pinangbili ng kotse. Noon, pinagmamalaki ni Willie na ipagpapagawa ng mga health centers sa Kabikulan ang mga nakalap nilang donasyon. Tanong ko lang, may nagawa na bang mga health centers?

Sa batas, hindi naman dapat tumatanggap ang WoWoWee ng mga donasyon dahil hindi naman sila rehistradong foundation o charitable institution. Ibig sabihin, iligal ang kanilang pagtanggap.