Talentadong Pinoy Presents Talentadong Superstar

http://www.facebook.com/talentadongpinoy?sk=wall&filter=2

Naaliw ako habang pinapanood ang special edition ng Talentadong Pinoy ni Ryan Agoncillo sa TV 5 ngayong Linggo, 02 October 2011. Pinamagatan ang edisyong ito bilang "Talentadong Syperstar" bilang pagpupugay sa nag-iisang superstar ng Pilipinas na si Miss Nora Aunor.

http://www.interaksyon.com/article/14203/nora-aunor-and-superstar-impersonators-on-talentadong-pinoy

Lima ang naglaban-laban sa titulong "Talentadong Superstar" kung saan ang bawa't isa ay nagbigay ng interprestasyon sa talentado ng Superstar sa pamamagitan ng pagkanta, sayaw at akting. Unang sumabak sa entablado si Rey Pumaloy, isang showbiz reporter/columnist. "Anne B" ang tinaguri kay Rey kung saan ipinakita niya ang igorot, hula at disco dance, kung saan pinaghagisan talaga siya ng trodo-todo. Nakakuha siya ng 90, 90 at 87 na iskor mula sa mga scout na kinabibilangan mismo ni Miss Nora Aunor, ang anak nito kay Christopher De Leon na si Ian at ang direktor na si Joey Reyes. Ang iskor na ito ay ikatlong bahagdan lamang ng kabuuan dahil ang 2/3 ay magmumula sa mga jury na kinabibilangan ng 8 imbitadong hurado mula sa sambayanang Pilipino.

Ikalawang nagpamalas ng kanyang mala-Nora Aunor na akting si Jeffrey Del Mundo - isang avid fan ni Miss Aunor. Ipinakita niya ang kanyang pagganap bilang superstar sa mga pelikulang "Himala", "Minsa'y Isang Gamu-Gamo" at "Flor Contemplacion". Nakakuha ng iskor na 95, 95 at 88 si Jeff mula sa mga scout.

May bansag na "Joel at Pola' ang ipinakita ng magkaibigang sina Joel Arteta Olivero at Paul Blaco Laceda - mga sing-along master at stand up comedians. Ipinamalas ng dalawa ang kanilang pagkanta kung saan iba-ibang larawan ang ipinakikita ni Joel na may kinalaman sa lyrics ng inaawit ni Pola. 96, 85 at 87 ang nakuhang iskor ng dou mula kina Ian, Nora at Joey Reyes.

Sure winner na si Teri Onor - isang impersonator turned politician - sa kanyang pagmamamalas bilang "Sinang" kung saan gumanap siya bilang "Atsay". Bilib na bilib ang tatlong scout kaya nakatanggap si Teri ng iskor na 98, 97 at 99.

Huling nagpakita ng gilas si Ate Gay - isang impersonator din na kahawig sa boses ni Nora Aunor. Ginampanan ni Teri ang role ni Ate Guy sa "Flor Contemplacion" kung saann inawit niya ng theme song nito. Bilang nag-hang ang Youtube video na pinanonood ko kaya hindi ko alam kuung ano ang iskor ni Ate Gay at kung sino talaga ang tinanghal na "Talentadong Superstar". Kainis, di ba?

Tila bahaw naman o paos ang boses ni Miss Nora Aunor sa show. May ubo siguro siya. Halata ko ring tila nag-iba rin ang kanyang boses. Dala kaya ito ng pagtanda? Medyo nainitan ako sa suot ni Ate Guy na leather jacket pero nang maisip kong tag-ulan nga pala sa 'Pinas, inintindi ko na lang siya. Kainit kasi rito sa Saudi ngayon kaya bigla akong nainitan sa suot niya.

Panoorin natin dito ang Talentadong Pinoy Superstar edition dito:
http://www.legalmovz.info/2011/10/talentadong-pinoy-tv-5-october-02-2011.html

Talentadong Pinoy ng TV 5

Napanood ko sa internet ang  June 18 replay episode ng Talentadong Pinoy ng TV 5. Host ng nasabing programa ang kabiyak ni Judy Ann Santos na si Ryan Agoncillo. Ang palabas ay isang talent show ng mga Pinoy na nagpapamalas ng iba't ibang uri ng talento sa pagsasayaw, pagkanta, pagmamagic at kung anu-ano pa. Hurado ng araw na iyon sina Bayani Agbayani, Tuesday Vargas, Congresswoman Lucy Torres -Gomez at Direktor Joey Javier Reyes. Ang kanilang puntos ay ikatlo ( 1/3) sa kabuuang puntos ng mga kalahok. Ang 2/3 ay manggagaling sa panel ng hurado na kinabibilangan ng mga personaheng nanggaling sa iba't ibang antas ng lipunan. Ang show ay ipinapalabas tuwing 8:30 - 10:00 PM tuwing Sabado at 7:30 - 9:00 PM kung Linggo.

Ang nagwagi ng gabing iyon ay ang Dancing is Fun, isang grupo ng mga kabataang mananayaw. Ito ang kanilang ika-limang panalo. Tunghayan ang kanilang perfromance dito:

http://www.youtube.com/watch?v=LB7excKclBs&feature=related

Ang ikinagusto ko sa palabas na ito ay dahil konsepto ito ng mga Pinoy kahit na nga ba mayroon na rin ganitong uri ng mga palabas. Hindi kasi ito de-kahon at galing sa Kanluran tulad ng mga palabas ng Big Brother, Got Talent, The Price is Right, The Biggest Loser, You Think You Can Dance, etc. Dahil kasi sa mga syndicated na mga palabas na ito, nahihinto ang malikhaing pag-iisip ng mga Pinoy na makabuo ng mga bagong programa. Talamak na kasi sa daigdig ng telebisyon ang mga palabas na buhat sa ibang bansa o kinopya sa ibang bansa. Kokonti na ang may tatak-Pinoy talaga. Kaya rito, saludo ako sa namamahala ng TV 5. Sana'y gumawa pa sila ng mga ganitong programa nang sa gayon ay makaagapay sila sa mga dambuhalang istasyon ng telebisyon tulad ng ABS-CBN at GMA.