Tumabla ang Myanmar sa iskor na 1 - 1 laban sa Azkals ng Pilipinas ngayong araw na ito sa nasabing bansa. Ang dalawang koponan ay kapwa zero sa unang kalahating bahagi ng laro.
Si James Younghusband ang nagbigay ng una at huling goal sa Azkals sa isang penalty kick sa 70 minuto ng paglalaro. Ang goal ng Myanmar sa huling mga minuto ang nagpatabla sa dalawang koponan. Dahil dito, ang 2 team ay nakakuha ng tig-isang puntos sa halip na 3 sa mananalo.
Kakalabanin ng Pilipinas ang koponan ng Palestine sa Miyerkules at ang Bangladesh sa Biyernes. Kailangang maging una o pangalawa ang mga Azkals sa larong ito upang makaabante sa AFC Challenge Cup finals na kinabibilangan ng 8 koponan sa iba't ibang grupo.
No comments:
Post a Comment