Parang teleserye ang rape case ni Nicole laban kay Lance Corporal Daniel Smith. Nakatatawa dahil sa haba-haba ng panahon ay babawiin din agad ni Nicole and kanyang testtimonya. Syempre maraming komontra at pumabor sa palabas na ito.
Hindi natin masisisi si Nicole kung bumaliktad man siya sa nauna niyang pahayag na ni-rape siya ni Smith. Pwedeng totoo ang nauna niyang sinabi o ang huli niyang pahayag.
Sa aking palagay, napag-isip-isip ni Nicole na wala namang mangyayari kung ipagpapatuloy pa niya ang kaso dahil mismong ang gobyerno natin ay walang magawa upang ipaglaban ang kayang kapurian at karapatan.
Kung tatanggapin niya ang alok ng US, may mapapala pa siya kaysa naman umasa sa gobyernong walang buto.
Pero kung susuriin mabuti ang kaso, sa aking palagay ay wala naman talagang rape na nangyari. Unang-una, pumayag si Nicole sa imbita ni Smith na pumunta ng Subic mula Zamboanga kung saan sila unang nagkita. Sa una palang, makikita na na may ambisyon ni Nicole -"ang makapag-asawa ng isang Amerikano". Maaaring mali ako pero di ba nasa Amerika na siya upang pakasalan ang isang Amerikano? Sa pagpayag niyang magkita sila ni Smith sa Subic ay pagbibigay motibo na rin na gusto niya si Smith.
Mas malaki sanang drama kung ang mapapangasawa ni Nicole ay si Lance Corporal Daniel Smith. Kapag nagkagayon, mas magiging maganda ang teleseryeng ito.
