ALS A & E October 2010 Test Result

Marami na ang nayayamot sa mabagal na pagpapalabas ng DepEd ng resulta sa nakaraang Alternative Learning System Accreditation and  Equivalency Test (ALS A& E) na ginanap noon pang Oktubre 2010.  Hindi tuloy malaman ng mga kumuha kung maipapagpatuloy nila ang kanilang pag-aaral sa high school o sa college gayong marami na rito ang nagbibigay na ng entrance examination. Baka raw mahuli na sila sa pagpapalista.

(UPDATE: BASAHIN PO ANG RESULTA SA
http://pinoysamut-sari.blogspot.com/2011/02/als-e-october-2010-test-result.html )


(FOR REVIEW, PRACTICE and SAMPLE TESTS, visit http://alternativelearningsystem.blogspot.com/ 


Ano ba namang klase ang eksamin na iyon? Hindi ba computerized ang pagtsi-check? Bakit kasi hindi ihiwalay ang essay writing portion ng pagsusulit sa maaga-agang petsa nang matsekan agad.
Nakailang bisita na rin ako sa webpurok ng DepEd sa     http://www.deped.gov.ph/  pero hanggang sa ngayon ay wala pa ring resulta gayong sabi nila noong isang taon ay sa huling linggo ng Nobyembre raw ito ilalabas. Baka naman sa Nov 2011 pa?

Para sa nagnanais na kumuha ng pagsusulit sa taong ito, basahin ang impormasyon dito:

http://www.deped.gov.ph/cpanel/uploads/issuanceImg/august%20web%20advisory.pdf

ALTERNATIVE LEARNING SYSTEM (ALS) ng DEPED

Naintriga naman ako sa Alternative Learning System (ALS) ng DepEd kung saan binibigyan ng pagkakataon ang marami nating kababayan na hindi nakatapos ng elementarya at high school na makakakuha ng certificate sa pamamagitan ng libreng pag-aaral at makapasa sa ALS A&E (Accreditation & Equivalency) examination. Sa ganitong paraan, nakakuha ng high school certificate si Manny Pacquiao kung saan ginawa pa siyang ambassador. Nitong 3 October 2010 ibinigay ang pagsusulit sa taong ito kung saan ilan sa aking kabarangay sa Loob, San Antonio, Quezon ay kumuha ng pagsusulit. Nawa, lahat sila ay pumasa. At sana naman ay mailabas agad ng DepEd ang resulta ng pagsusulit dahil noong isang taon ay inabot ng siyam-siyam ang paglabas ng resulta. May kasama kasing essay o sanaysay ang test at ito siguro ang nagpabagal sa paglabas ng resulta. Bakit hindi na lang agahan ang pagbibigay ng essay part ng test nang sa gayon ay madaling mailabas ang resulta?

Naghanap ako ng sample ALS A&E test sa internet pero wala akong makita. Gusto ko pa namang gumawa ng reviewer na magagamit ng mga kukuha ng pagsusulit. Sa ibang bansa kasi, naka-post ang anumang test na natapos na para maging gabay o giya ng mga susunod na kukuha. Takot yatang mapagbintangan ang DepEd na may leakage kung sakaling pareho ang nasa reviewer at nasa actual test! Hindi naman nababago ang mga facts!