Piolo Pascual - KC Concepcion's Romance

Dahil Valentine's Day ngayon, usap-usapan din ang romansang Piolo Pascual at KC Concepcion. Sinagot daw ng dalaga nina Sharon Cuneta at Gabby Concepcion ang binatang ama noong ika-23 ng Oktobre, 2010.

Ang ikinatataas ng mga kilay ng mga taong tsismoso't tsismosa ay kung gimik lang daw ba ito o totoo na. Maraming beses na kasing "ipinalalagay" na hindi "tunay na lalaki" si Piolo Pascual kahit na nga may anak na itong binatilyo.

Well, sa mga susunod na mga araw na nating malalaman ang kasagutan sa alingawngaw na ito. Sa ngayon, hayaan muna nating maging masaya ang "magsing-irog" sa Araw na ito ng mga Puso.

Sharon Cuneta's Bill(bil)Board sa EDSA

Sana naman ay matapos na ng kontrobersya hinggil sa "pasaring" ni Hayden Kho sa billboard sa EDSA na hindi nagbibigay ng katutohanan sa madla. Inisip at/o ipinagpalagay na ang nabanggit na billboard ay ang kay Sharon Cuneta sa pag-eendorso nito sa Marie France, isang kumpanya sa pagpapayat.

Marami kasi ang nakakapansin na mas mataba naman si Sharon sa programang "Star Power" kaysa sa nakalagay sa billboard.

Dapat sana'y may inilagay na "before" at "after" yong ads. (Kayo na ang bahalang maglagay kung saang parte ito ilalagay.)

Sa kabilang dako, pinasinungalingan naman ng "xvideo king" na ang tinutukoy niyang bill(bil)board ay yaong kay Sharon Cuneta. (Bahala na rin kayo kung paniniwalaan nyo ito.)

Bumango naman ang kumpanyang Marie France dahil dito. Ang tanong: Paano maniniwala ang mga tao kung 'lomobong" muli ang aktres?