Nagluluksa ang sambayanang Filipino sa pagkamatay ni dating Pangulong Corazon "Cory" Aquino kaninang alas 3.18 ng madaling araw, 01 August 2009. Si Cory ang tinaguriang Ina ng Demokrasya ng mga Filipino. Siya ay 76. Namayapa siya habang nakikipaglaban sa sakit na colon cancer.
Sa pagkakataong ito, tila bagang dininig ng Diyos ang mga dasal na huwag ng pahabain pa ang sakit na nadarama ng dating pangulo at payapang sumailalim na sa Kanyang kandili.
Inihatid sa kanyang huling hantungan si Tita Cory noong Miyerkules, ika-5 ng Agosto, 2009 sa Manila Memorial Park sa Paranaque City sa tabi ng kanyang kabiyak na si Benigno "Ninoy" Aquino.
