Muling napansin at natulungan ang batikang aktor at “action star” na si John Regala nang i-post at i-upload ng isang netizen ang larawan at bidyo nito sa social media. Dahil dito, maraming nakakita ng kanyang larawan at nakapanood ng bidyo ang naantig ang kalooban sa kasalukuyang kalagayan ng artista. Isa sa mga tumugon at nagbigay ayuda kay John Regala ay ang kilalang komentarista na si G. Raffy Tulfo. Agad na umaksyon ang grupo ng mamamahayag at nagbigay ng mga groserya at malaking halaga ng salapi sa aktor.
JOHN REGALA, NGAYON
(Image from https://www.panaynews.net/john-regala-transferred-to-kidney-institute/)
Lumutang
naman sa kasagsagan ng isyu ang diumano ay “anak” ni John Regala. Nagpakilala
ang 24 anyos na truck driver na si John Santos. Labinlimang taon na siya nang
sabihin sa kanya ng kanyang inang si Vilma Santos (hindi ang aktres) na si John
Regala ang kanyang ama. Nagkita ang kanyang ina at si John sa Japan noong 1994
kung saan nagtrabaho ang una bilang isang “entertainer”. Dahil sa trabaho,
unang tinanggi ng action star na anak niya si John dahil hindi siya sigurado.
JOHN SANTOS
Sa
isang interbyu sa programa ni Raffy Tulfo, hindi tahasang itinanggi ni John na
anak nga niya si John Santos at aangkinin niya ito kung may katotohanan. Sa puntong
ito, sinagot na ni Raffy Tulfo ang gastos para sa pagdi-DNA test. Sa
kasalukuyan, hinihintay pa ang resulta nang nasabing test.
JOHN REGALA, NOON
(Image from https://www.trendzph.com/2020/08/01/9290108/)
Sa
kasalukuyan ay naninirahan si John Santos sa Tanauan, Batangas sa piling ng
kanyang Lola Victoria. Hindi naman apektado ang binata sa mga haka-hakang
lumitaw lamang siya nang malaman ang malaking halagang tulong ni Raffy Tulfo.
Ayon sa truck driver, kung salapi lamang ang hangad niya sa ama disin sana ay noon pa
siya lumutang kung kailan namamayagpag ang career ng ama at kumikita ng
limpak-limpak na salapi. Kung anuman ang resulta ng DNA test, abangan po natin!
