Kung ilang linggo na rin akong nanonnod ng Pilipinas Win na Win minus ang mga dating hosts na sina Robin Padilla, Mariel Rodriguez at Kris Aquino. Napalitan ang mga nabanggit na personalidad kaakibat ang iba't ibang kontrobersya na nakakabit sa kanilang mga pangalan.
Bukod sa 2 babaing idinagdag, bale 4 ang naging kapalit ni Robin Padilla na kinabibilangan ng The Hitmakers na mang-aawit na sina Rico J. Puno, Marco Sison, Rey Valera at Noynoy Zuniga. Sa apat, nangingibabaw ang presence ni Rico J. May pagkakataon pa ngang nasasapawan niya si Pokwang sa pagsasalita. Ang tanong lang ay kung tatagal ang Pilipinas Win na Win dahil sa Hitmakers o magtatagal ang Hitmakers sa programa.
Kahit lagi nang sinasabi ni Pokwang na sobrang bait ni Rico J at lagi pang nagsisimula sa kanilang pagdarasal bago magsimula ang show, parang hindi ko ma-feel ang sinseridad sa boses at personalidad ng singer-actor. Dahil dito, naniniwala akong hindi magtatagal si Rico Puno sa programa. Naroon pa kasi ang image niyang babaero at bastos! At ngayon naman ay TRYING HARD
