Nalalapit na ang suntukang Manny "Pacman" Pacquiao at Shane Mosley sa gabi ng Sabado, Ika-7 ng Mayo sa MGM Grand Hotel sa Las Vegas, Nevada, USA. Sinasabi ng mga komentarista sa isport na lamang si Pacquiao sa laban na ito dahil na rin sa kanyang liksi at kabataan. Hindi naman kampante lang ang "kamao ng bayan" dahil malakas din si Mosley kahit na sa kanyang idad na 39. Dapat ilagan ni Manny ang kanang kamo nito.
(In-laws : Jinkee and Mommy Dionisia Pacquiao)
Maliban sa asawang si Jinkee, manonood din ang ama at 2 kapatid ni Manny sa Las Vegas. Naiwan naman sa Gensan si Mommy Dionisia dahil pinaghahandaan nito ang kanyang nalalapit na 62 kaarawan sa ika-15 ng Mayo, 2011. Ipagdarasal daw niya ang anak at umaasang manalo ito nang sa gayon ay makamit niya ang birthday wish na Hermes bag na nagkakahalaga ng di bababa sa isang milyong piso.
(Sample of Hermes bags from http://hermes-bag.com/photo.htm)
Matalo o manalo, may garantiyang 20 milyong dolyar si Pacman samantalang may $5 milyong premyo si Mosley.
