Mga Taong Grasa, Nawawala sa Lansangan Dahil sa mga Vloggers

Nawawala sa  lansangan ang karamihan sa mga tinatawag  na "taong grasa" dahil sa mga vloggers na nais silang "sagipin". Mapapansin na kadalasan sa mga nagte-trend ngayon at umaani ng libo-libo kundi man milyon-milyong views sa YouTube ay may kinalaman sa mga natutulungang mga tao sa lansangan na may dipresensya sa pag-iisip kung hindi man hirap na hirap sa buhay.

(Image from http://gwincheese.blogspot.com)

Nagsimula ang kalakarang ito nang magtuunan ng pansin ng mga charity vloggers na kinabibilangan nina Techram, Hungry Syrian Wanderer, ForeignGerms, Val Santos Matubang, Kalingap Rab, Pugong Byahero, at marami pang iba, ang mga taong ito. Dahil sa kanilang mga video ay natagpuan ng mga kaanak ng mga taong grasang ito. Gayundin, marami sa kanila ang unti-unti kundi man lubusang gumaling sa kanilang sakit.

"Techram" Manalastas

Nakatutuwa ang pangyayaring ito dahil nabibigyan ng tulong ang ating mga kaawaawang kababayan na naging tahanan na ang lansangan. Kung hindi sila napag-uukulan ng sapat na pansin ng pamahalaan, mayroon naman tayong mga vloggers na handa silang tulungan.

                                Kalingap Rab at Kuya Val Santos Matubang

Dahil umaani ng maraming views na may katumbas na salapi ang mga bidyong ito, lalo pang dumami ang mga vloggers na nagnanais makahanap ng mga taong grasa at mga pulubing naglipana sa kalsada. Ang lahat ay handang tumulong kapalit ng salaping maitutulong pa nila sa iba. 

Basel Manadil "Hungry Syrian Wanderer"

Sana naman ay hindi lang panandalian lang ang hangaring ito ng mga YouTube vloggers. Nawa ay panmatagalan ang kanilang adhikaing ito upang tumulong. Hindi sana nakatuon sa dami ng views ang kanilang pagtulong kundi bukas sa kanilang puso. Sana ay ipagpatuloy pa nila ang kanilang nasimulang gawain nang walang hinihinging kapalit.

Paul Joseph Tesalona "Pugong Byahero"

Kung tuluyan mang mawala sa mga lansangan sa buong Pilipinas ang mga taong grasa ito ay dahil sa mga vloggers na binibigyan sila ng pag-asang mamuhay nang normal. Hindi po sila kinidnap ng mga taong nasa loob ng van na puti na nais ipagbili ang kanilang mga laman-loob. Gayunman, sana ay magising ang ahensya ng pamahalaan na siyang natukahan upang bigyang solusyon ang problemang ito.

TechDave Manalastas, Nagdiwang ng 14th Birthday

Nagdiwang ng kanyang ika-14 na kaarawan noong June 12, 2021 si Dave Manalastas, ang itinuturing na panganay ng mapangkawanggawang YouTube vlogger na si TechRam Manalastas. Ang pagdiriwang ay ginanap sa isang pool resort na dinaluhan ng Manalastas family, mga kaibigan, tagahanga, supporters, at ng kanyang ina.

(Image from from https://www.facebook.com/photo.php?fbid=107927838186066&set=pb.100069065510278.-2207520000..&type=3)

Simple lang ang selebrasyon subali't napuno ng pagkain ang hapag-kainan dahil na rin sa suporta ng mga tagahanga ni Dave at ng kanyang itinuturing na pangalawang ama. Marami ring regalong mga bagay at salapi ang mabait na bata.

Matatandaan na naging laman ng social media si Dave nang makita siya ni Techram sa Divisoria kung saan nagbubuhat ng mga kalakal o bilabg kargador ang bata upang mabuhay. Mula noon ay kinupkop na ng mabait na vlogger si Dave at itinira sa kanilang bahay sa Pampanga habang hinahanap ang mga magulang. Di naglaon ay nahanap din ni Techram ang mga magulang ng bata. Magkagayunman, nanatiling nasa poder ng vlogger si Dave at itinuring na itong kapamilya.

Sa kasalukuyan ay nag-aaral si Dave, kasama ang isa bang batang si Luis sa tahanan ng mga Manalastas. Sa birthday celebration ni Dave, tinanong ni Jun Manalastas, nakababatang kapatid ni Techram, kung ano ang magiging reaksyon ng ina ni Dave kung sakaling maging tunay na Manalastas ang bata. Sinabi ng ina ni Dave na nasa anak ang huling desisyon kapag ito ay nasa hustong gulang na. Sa ngayon, happy na muna ang magkabilang panig alang-alang sa mabuting kalagayan at kinabukasan ng bata.

Maligayang Kaarawan, Dave!