Ate Mylene, Confirmed na may Jowa!

Kumpirmado na may jowa o boyfriend nga ang sikat na nanay nina Mark at Maycee matapos mapanood ang huling bidyo ni Kuya Val Santos Matubang ngayong araw, February 18, 2022. Sa pagbisita ni Kuya Val sa bahay ni Ate Mylene, nakita niya roon na may naglilinis, nag-aalaga ng mga bata, at naglalaba na dapat ay ginagawa ng huli. Napag-alaman din ni Kuya Val na tila napapabayaan na ni Ate Mylene ang mga anak. Ben ang pangalan ng boyfriend ni Ate Mylene at nagtatrabaho sa ilang pabahay ni Kalingap Rab. Diumaano, anim na buwan na ang magjowa.

Nang kausapin ni Kuya Val si Mark, ang panganay sa magkakapatid, nabatid niya na may nanliligaw nga sa ina, na diumano ay nagsisiping na. Dahil dito, binabalak ni Mark na umalis na sa kanilang bahay.

Itinuro ng isang anak ni Ate Mylene ang bahay ng lalaking nanliligaw sa ina, na hindi naman pala kalayuan ang bahay sa kanila. Sa bahay, nadatnan ni Kuya Val ang anak na babae ng lalaki at sinabi nitong noong isang araw ay doon nga natulog si Ate Mylene matapos makipag-inuman sa  lalaki.

Sa nalaman, hindi naman nagalit si Kuya Val dahil karapatan naman ni Ate Mylene ang humanap ng kaligayahan. Gayunman, nais lamang ni Kuya Val na mahalin din ng lalaking ito ang mga anak ni Ate Mylene.

Dahil sa pangyayaring ito, tiyak na uulanin na naman ng batikos si Ate Mylene dahil nagsinungaling siya kay Kuya Val at Kalingap Rab. Isa pa, dahil sa lalaki ay tila napabayaan na ang mga anak. Dahil din dito, baka mabawasan ang mga sumusuporta kay Ate Mylene dahil nalaman nilang may bisyo pala ito.

Sa ngayon, hindi kailangang maghusga agad tayo lalo na sa lalaking nagpatibok muli sa puso ni Ate Mylene. Kilalanin muna natin siya.

Narito ang link kung saan mapapanood ang bidyo ni Kuya Val, kung saan bumuhos ang suporta ng mga viewers sa pinagdadaanan ni Mark sa kanyang madamdaming pagpapahayag ng saloobin.

Sa natuklasan ni Kuya Val at Kalingap Rab, maaaring putulin na nila ang suporta kay Ate Mylene at sa mga anak nito dahil may katuwang na siya sa pagpapalaki ng kanyang mga anak kung totoong mahal nga siya at mga anak ni Ben.

Lola Damiana, Sikat Na!

        

Lola (Donya) Damiana

(Image from Kalingap Rab's Facebook Page)

        Hindi mapapasubalian na sikat na si Lola o Donya Damiana. Sa mga hindi nanonood sa YouTube, si Lola Damiana ang mahirap na matanda na unang tinulungan ng mag-amang vlogger na si Val Santos Matubang at Rabboni James Matubang. 

Val Santos Matubang (Lingap sa Mahihirap)

(Image from Kuya Val's Facebook Page)

Rabboni James Matubang

(Image from Kalingap Rab's Facebook Page)

Ang matanda ay naninirahan na nag-iisa sa itaas ng bundok sa bahay na lumang-luma na. Sa tulong ng mag-ama, unti-unting napapaayos ang tahanan ng matanda na mayroong konting diprensya sa pag-iisip. Dahil sa madalas na pagbisita nina Kuya Val at Kalingap Rab, na-expose sa YouTube ang matanda at naging instant superstar sa mga subscribers at non-subscribers ng dalawa. Tatlong video ni Kalingap Rab  kung saan tampok ang si Donya Damiana ang umabot na sa isang milyong views. 

(Image from Kalingap Rab's Facebook Page)

        Sanhi ng biglang paimbulog ng mga video nina Kuya Val at Kalingap Rab kung saan tampok ang minsang masungit, mabait, makata, palasigaw, o palatawang lola, dumami rin ang tulong na natatanggap ng matanda. May mga vlogger na rin ang bumisita sa kanya upang magbigay ng tulong. Walang kaso sa mag-amang vlogger ang ginagawang pagbisita at pagtulong ng ibang nakikisawsaw sa popularidad ni Donya Damiana. Ang ikihihimutok lang ni Kuya Val ay ang tahasang paggamit ng kanilang mga video sa channel ng mga mapagsamantalang YouTube creators. Wala sanang kaso kung humingi muna sila ng permiso sa mag-ama o pahapyaw lang ang mga video clips, o kaya ay ito ay reaction video lang. Ang kaso, may mga vlogger na buong-buo pa mismong video ang ipinalalabas sa kanilang channel.

        Nai-report na ni Kuya Val at ng kanyang mga supporters ang ginagawang mga illegal actvities ng ilang YouTube vloggers. Inaasahan nilang mabibigyan ng karampatang parusa ng YouTube ang mga lumabag sa kanilang Terms and Conditions, lalo na yaong sangkot ang copyright issue. Dahil sa isyung ito, naging mapagmanman ang mga supporters ng mag-ama at dagling inire-report ang sinumang vlogger na gumagamit ng buo ng kanilang mga video.

        Sa ngayon ay lalo pang dumarami ang mga subscribers at donors nina Val Santos Matubang at Kalingap Rab dahil sa walang sawa nilang pagtulong sa mga senior citizens at mga pamilyang sadyang naghihirap. Bugso ng kanilang pagsikat, sa palagay ko ay uulanin din sila ng mga puna, intriga, at batikos mula sa mga taong naiinggit at walang magawa sa buhay. Sana naman ay maging handa at matatag sa mga bashers na ito sina Kuya Val at Kalingap Rab.

        Doon sa mga YouTube vloggers na nangongopya nang buong-buo sa mga trending at popular video, tumigil na kayo dahil mas maraming problema ang kahaharapin ninyo kaysa biyaya. May kasabihan nga tayo na "Ang taong naghahangad ng kagitna, isang salop ang nawawala."