PILIPINAS, HINAGUPIT ni ONDOY

Daig pa ni Manny Pacquiao nang hagupitin ni ONDOY ang buong Pilipinas. Nanalasa ang mabagsik na bagyo noong Sabado at nag-iwan ng pinsala sa buhay at kabuhayan ng mga Filipino. Naperwisyo nang matindi ang bayan ng Marikina kung saan maraming subdivision ang nalubog sa tubig-baha partikular na sa Providence Subdivision kung saan maraming residente ang naulat na namatay sa pagkalunod.

Kalunos-lunos ang sinapit ng ating mga kababayan at sana naman ay may natutunan tayo sa trahedyang ito.

Libre naman ang TV coverage ni Gilbert Teodoro bilang chairman ng National Disaster Coordinating Council (NDCC).

AQUINO-ROXAS vs TEODORO-PUNO

Magsasalpukan sina Benigno "NOYNOY" Aquino III at running mate nitong si Senator Mar Roxas kalaban ang manok ng administrasyon na sina Gilbert Teodoro at Ricardo V. Puno Jr. sa 2010 Presidential election sa May 10, 2010.

Samantala, makikisalpuk din sa labanan sina Senator Manny Villar, Erap Estrada, Chiz Escudero, Loren Legarda, etc,

Abangan na lang natin kung sinu-sino ang mananalo sa kanila.

Kung sino ang iboboto ko? Wala, kasi hindi ako rehistrado. Kung pumunta ang mga taga Philippine Embassy dito sa Jubail baka nakapagrehistro pa ako. Daig pa sila ng TFC at Skyfreight, naaabot ang kasuluksulukan ng Saudi Arabia.

Balik Wowowee si Willie

Balik Wowowee si Willie Revillame nitong ika-21 ng Setyembre, 2009 matapos pagbakasyon ng ABS-CBN hinggil sa kaniyang komento nang araw na mamayapa si Gng. Corazon Aquino. Naniniwala akong "out of context" ang comment ni Willie nang araw na iyon. Wala siyang ibig ipagkahulugan. Mali rin kasi ang pagpapalabas ng libing ng dating pangulo sa show ni Willie habang ang mga ito ay nagsasaya.

Sa susunod siguro ay mag-iisip muna nang maigi si Willie bago magbitaw ng pananalita dahil baka ma-misinterpret na naman siya.

MARQUEZ TUMBA KAY MAYWEATHER

Pinabagsak ni Floyd Mayweather Jr. ang katunggaling Mexicano na si Juan Manuel Marquez sa ika- round ng kanilang 12 round bout sa Las Vegas, Nevada nitong Ika- ng Setyembre, 2009.

Pinag-uusapan matapos ang laban ang posibleng pagtutunggali nila Floyd Mayweather Jr at Manny Pacquiao. Si Manny ay nakatakdang lumaban kay Cotto sa Disyembre.

MULTO na si PATRICK SWAYZE

Ang artista ng "Ghost" at " Dirty Dancing" na si Patrick Swayze ay maituturing na ganap ng multo nang siya ay mamayapa sa sakit na pancreatic cancer noong ika-14 September 2009.

FARM VILLE or FARM TOWN?

Ito ang dahilan kung bakit pansamantala kong nakalimutan na meron pala akong blog..hehehe. Paano'y tila "nahibang" ako sa paglalaro ng dalawang larong ito sa Facebook. Kakainis kasi ang nag-invite sa akin eh... isinama pa ako sa pagpupuyat nila. Sabagay, nakalilibang nga ang mga larong ito kaya lang kung hindi mo kokontrolin e maaadik ka talaga. Meron nga akong kakilala na gumigising pa nang madaling araw para lamang umani ng talong, kalabasa, sibuyas at kung anu-ano pang gulay. Sayang nga naman ang coins at experience points. Kung saan ako dadalhin ng "kabaliwang" ito, hintayin na lang natin.

Ikaw, gusto mo bang maging neighbor ko sa Farm Ville o Farm Town?