Hindi ko alam kung matutuwa o matatawa ako sa vlog ni Kabusiness tungkol kay Mario. Matapos niya kasing ipaaresto at ipahiya si Mario sa buong Pilipinas at sa bong mundo, heto at ang kanyang follow-up bidyo sa taong ito ay isang malakas na BIRA. Ang bira po ay hindi suntok kundi pagtulong diumano sa taong sinabing mga anak ang mga batang taga-Bulacan, Bulacan at isama sa pamamalimos sa Maynila.
Sinabi ng dating negosyante ng mga sewing machines kay Mario na tutulungan niya itong tumira sa isang maayos na tirahan habang siya ay nabubuhay. Ito ay naganap matapos hindi makasuhan si Mario ng barangay at ng tanggapan ng DSWD, pagkatapos magpursige si Kabusiness na siya ay ipakulong.
Ang dali kasi ng pagbabagong anyo ni Kabusiness. Mula sa mabangis na tigre ay naging maamong kuting ito. Matapos ibitag ito sa mga pangil ng buwaya ay nais niya itong iligtas at dalhin sa kanyang poder matapos hindi ito sagpangin.
Ano nga kaya ang motibo ni Kabusiness kay Mario. Totoo kaya ang kanyang pagtulong o pakitang-tao lamang? Pagtulong nga kaya ang kanyang nais o para lamang tumaas ang kanyang views matapos na maraming nanood sa kanyang vlog na may kinalaman kay Mario?
Sa mga tanong na nabanggit ay sadyang si Kabusiness lamang ang makasasagot dahil alam niya sa kanyang puso ang tunay na dahilan at batid din ng Maykapal ang laman nito.
No comments:
Post a Comment