Prince William - Kate Middleton Nuptial

The First Kiss

The Duke and Duchess of Cambridge

Pinag-uusapan at pinagkakaguluhan ang nalalapit na pag-iisang dibdib nina Prinsipe William Arthur Philip Louis at Catherine Elizabeth Middleton sa Biyernes, ika-29 ng Abril, 2011. Nagkita at nagkaibigan ang dalawang magsing-irog sa University of St. Andrews sa Scotland kung saan kapwa sila nag-aral. Ang kasal ay idaraos sa Westminster Abbey.

Talagang mahilig pa rin ang mga tao sa mga royalties. Dahil hindi naman ako naging mamamayan ng isang kaharian, hindi ko maranasan ang pakiramdam na iyon. Naging tampok din ang pagpapakasal nina Prince Charles at Lady Diana noon pero nauwi rin sa hiwalayan ang lahat. Ito ay nagpapatunay na ang mga taong may "dugong-bughaw" ay ordinaryong mga tao rin at nakararanas ng mga suliranin at damdamin ng mga ordinaryong tao.

Hindi ko alam kung ano ang magiging epekto ng pagpapakasal na ito nina Prince William at Kate Middleton sa buhay ng mga ordinaryong tao at kalagayan ng buong mundo. Makipagdiwang na lang muna tayo sa kanilang pagsasaya nang malimutan natin ang kahirapan at kaguluhan sa ating kapaligiran kahit isang araw lang. Party-Party!