Hindi po malisyoso ang inyong Mamay P subali’t napakalikot ng aking imahinasyon at biglang nakabuo ng isang haka-haka o akala. Noong una ay hindi ko masyadong binigyang pansin ang aking obserbasyo subali’t pagkalipas ng Pasko at Bagong Taon, tila unti-unting nabubuo ang aking hinala. Dagdag pa rito ang panonood ko ng mga video nina Macki Moto at Kian, The Cameraman.
Sa mga hindi nakaaalam, si Macki Moto ay Ang Promdi Vlogger ng Nueva Ecija na gusto ibahagi ang saya at hirap ng buhay magsasaka, welder, mekaniko, construction at tatay at simpleng pamumuhay. Isa po siya sa mga umaangat na vlogger na aking pinanonood sa YouTube. Noong una ay walang cameraman si Macki. Bigla ay dumating si Kian. Napag-alaman ko kalaunan na mag-bayaw pala ang dalawa dahil kapatid ni Macki ang naging kabiyak ni Kian.
Naging maayos naman ang naging samahan ng mag-bayaw sa kanilang mga vlog. Nagkaroon din ng mga tagahanga si Kian dahil sa kanyang ginagawa. Hindi ko alam kung kailan talaga biglang nawala sa eksena si Kian dahil magkaminsan ay late upload naman ang mga video.
Noong Nobyembre 2020 ay nag-vlog na rin si Kian, tulad din ng iba pang ka-buddy ni Macki Moto na sina HB o Hito Beer, Black Shadow, Miguelito, at nitong Enero 2021, ay si M. Y Empi naman ang sumabak. Alam kong walang koneksyon ang pagba-vlog ni Kian sa tila “hidwaan” nila ni Macki Moto dahil maayos pa rin naman ang kanyang naging trabaho bilang cameraman sa grupo.
Mula sa Kian, The Cameraman ay naging Tigasing Kian ang titulo ng vlog ni Kian sa YouTube. Sa ngayon ay naging Kian & Sarah na ito na may 6.92K subscribers at 40 videos habang sinusulat ko ang artikulong ito.
Bakit naman nakabuo ang inyong Mamay P ng hinalang may hidwaan ang mag-bayaw? Una, napansin ko nang biglang mawala sa mga vlogs ni Macki Moto si Kian nitong malapit na ang Disyembre. Noong una ay sa pag-aakala kong dahil ito sa nalalapit na panganganak ng kapatid na babae ni Macki Moto at asawa ni Kian na si Sarah. Pangalawa, napansin ko sa vlog ni Kian noong Pasko na wala sa eksena si Macki Moto at pamilya nito. Pangatlo, wala rin sa eksena sina Ka-Buddy noong Bagong Taon. Wala rin sa eksena sina Kian at Sarah at pamilya nito sa ginawang Christmas Party ng grupo, sa selebrasyon ng Pasko at Bagong Taon sa mga video ni Macki Moto.
Sinubukan kong tanungin si Macki Moto sa kanyang Facebook page kung meron nga silang hindi pagkakaunawaan ni Kian pero hindi siya sumagot o kaya ay hindi niya nabasa ang aking mensahe. Sa kanyang Vlog# 32 na may titulong “NAGKITA KAMI NI KABUDDY (guess who?) + NAKUHA KO NA ANG PAINT NI KAPINTURA, lumikot na naman ang imahinasyon ng inyong Mamay P dahil tila may laman ang “guess who?” ni Kian.
Well, kung mayroon mang kontrobersya sa pagitan ni Macki Moto at Kian, sana ay maging maayos ang lahat lalo pa at sila ay magkakapamilya. Hindi maiwawaksi ang ugnayan ng dugo nina Macki at Sarah dahil sila ay magkapatid. Sa palagay ko ay naapektuhan din ang relasyon ng iba pang miyembro ng kanilang pamilya lalo na ang ina ni Macki Moto. Hiling ko rin na mag-usap ang dalawa upang maplantsa ang lahat. Dahil mas nakatatanda si Macki, siya na ang umunawa sa isang mapusok na kabataan tulad ni Kian.
Inuulit ko, kung meron mang hidwaan sina Kian at Macki Moto, sana ay magkapatawaran na sila upang lalo pang yumabong ang kanilang YouTube channel.
1 comment:
Ang nanay ni Macki ang dapat pumagitna sa dalawa at huwag kumampi sa isa lamang na hindi nabigyang linaw ang punto ng sarili niyang dugo na si Macki. Sa lahat ng napanood ko kay Macki, sobrang mahal niya ang nanay niya mula't sapul ay tinutulungan niya ito lalo na sa pagpapagamot nito sa kanyang mata na tinutulungan din ni Daiza. Masaki sa anak ang kampihan mo ang isa na hindi mo pinapahalagahan ang punto nina Macki. Sana malinawan ang ina ni Macki at huwag umastang parang bata na may kampihang nangyayari at puro pasaring sa kanyang vlog na nagpapaawa nang husto. Maging fair ka sana sa mga anak mo at huwag maging dahilan para sila ay magkasira-sira. Sa ginagawa ninyo ngayon sinisira ninyo ang isa't-isa at para kang anay na naninira sa sarili mong pamilya. Napakasipag ni Macki at deserve niya kung anuman ang mayroon siya ngayon dahil pawis at dugo and naging puhunan niya dito. Gising nanay ni Macki at huwag kang parang bata na nakikisawsaw sa tampuhan ng mga anak mo imbes na ikaw ang bumuo ikaw pa ang sumisira. Nakakakulo ng dugo ang makita ka sa vlog mo na parang walang naitulong sa iyo si Macki.
Post a Comment